米卡暑期班- 英基曉新

米卡暑期班- 英基曉新

小米卡終於足15個月大, 可以報讀英基既Summer School.

同之前music playgroup唔同,我個人認為囝囝大過左, 可以試下D challenging既playgroup去學new skills. 

之前有睇過Baby Kingdom一D其他分校既家長分享, 話老師上完一個學期既堂都唔記得學生個名, 教既英文太深. 故事書太細.所以都有心理準備.

開學前收到英基既email, 話只可以一個家長帶小朋友入去上堂, make sense呀!但係唔俾其他人留係學校for security purpose.原本我打算同我個helper一齊帶Micah返去, 如意算盤打唔響啦..唯有自己頂硬上. 去曉新campus, 位置係司徒拔道, 附近冇得泊車, 學校職員話係會有警察抄牌.搭公共交通工具又只有15號巴士(中環碼頭)同26號小巴(Lee Garden), 其實真係勁唔方便, 唯有的士來回. 不論’rain or shine’,都只可以上堂前5分鐘先俾入學校 同接放學.

首先係15分鐘既freeplay, 兩張table放左當日指定既玩具(:例如車仔碌上廣告彩再用轆碌上黑畫紙,用sponge tip applicators 畫dot dot畫,  用麵團碌碌bubble wrap, 玩泥膠, 撕紙, 上螺絲等等). circle time既地氈上都放左積木, foam blocks, magnetic sketcher.

之後就係唱hello song, 教opposite 連歌, 地氈上marching, 教天氣卡(會叫小朋友名, 然後去老師度拎flash cards, 再教佢地數有幾多張卡,再將適合當日天氣既卡貼上白板).

Storytime包括wheels on the bus, we are going for a bear hunt, Don’t eat the teacher , 5 duckies等等, 頭兩個故事, 書都有A3 size, 夠大夠appropriate. 但第3堂既Don’t eat the teacher, 書只有A4 size, 對於十幾個小朋友一班, 本書真係細左D. 但老師vary intonation同表情多多動作多多咁樣講故事去吸引小朋友注意, 已經可以彌補返哂!

天氣好會去playground. Playground只係一個滑梯, 有點兒簡陋.冇帶蚊怕水, 大人細路被蚊咬 :(

Snack time大約15分鐘, 自己帶零食, 我發覺大D既小朋友食既零食有trans fat, 家長請留意下! 如果冇帶零食既小朋友, 老師會派Cheerio. 第一日我地已經有零食, 但老師仲派零食俾米卡, 發達啦, 好味道度狂食.

Snack time之後就係play in the dirt. 著上圍裙後玩(有D oversized =_=).曾經玩過洗車仔,shaving cream, 勺水中膠珠,沙池, 魚池釣魚, 廣告彩亂畫. 每次我D衫褲都會污髒哂.

之後再玩多一兩個遊戲, 當聽到音樂停, 放低egg shakers, 或收埋egg shakers唔同身體部位.有時有埋吹波波.最後就係bye bye song同埋hug 老師goodbye.

老師係菲律賓人, 後生, 好熱情, 有愛心.  教學助理出現過兩個人, 一個係華人,  另一個都係菲律賓人, 都好熱情同英文流利. 三位老師都應該係駐校老師.

而家長有白人, 有mixed couple, 華人面孔家長講英文聽落去似去過外國生活. 唔似BK既家長所講會有聽唔明, 甚至會同老師講中文既情況. 老師亦記得哂所有小朋友既名.個個campus唔同掛?

米卡上完4堂之後, 乖左, 當老師叫佢個名出去拎教具再行返媽媽到, 佢真係做到! 同埋學識想要一D野要講please. 呢班係混齡教學, 當米卡唔留心時, 有D差唔多3歲既姐姐會拖住佢隻手仔叫佢一齊做.相比平時上開既音樂playgroup全班同學一樣大,就有呢樣好處! 

今個星期三, 會開始上七田真!