產後保養

產後保養 

自從生完Micah之後, 即使亞媽跟足陪月餐單,日日煲補品,鹿茸, 花膠, 蔘,烏雞食到驚, 補足百日, 仲每個星期睇埋中醫,都仲係話我血氣唔好.面色好差: (

最近試做埋岩盤瑜伽再加埋淋巴按摩. 聲稱可以去懷孕時留下既胎寒氣同瘀, 改善血氣失眠.38C既岩盤上做瑜伽,動作算mild,做完全身汗,塊面熱卜卜,連頭髮都滴水...

stone spa 

試後感: 成晚全身滾到失眠, 周身瘀痕.(以後都唔會信美容blogger)

米卡與米奇的約會

米卡與米奇的約會

前排趁未熱辣辣去一轉Disneyland出面, 帶左全球最涼既芭蕉扇(港島區小販價$60), 都真係熱到頂唔順…要入樂園就要等大個仔啦

曬到開唔到眼

 

都係避下暑啦

 

後來我係另一個港島區小販買左一部match返BB車顏色既, 都係$60..Micah以為呢個係玩具, 搵左好多地方都冇保護網, 爸爸就DIY左呢個.搭lift d姨姨嬸嬸叔叔都問我地邊樹買..其實我地用裝蒜蓉o個個袋

送給老公既第一份父親節禮物

送給老公既第一份父親節禮物

今年父親節意義重大, 係我老公第一年做爸爸, (佢broody左好耐haha),所以我代替Micah送左呢本圖鑑俾老公..

內容包括老公換片時如果係poo就即刻放棄,唔可以同時做兩件事(multitasking),唔在意老婆既說話,溝通能力低,o係屋企會露少少掰掰肉等等.如果日文有2級程度可以睇得明哂..唔識日文可以送本中文譯本(無能老公圖鑑)俾"C6" ~~~~

0-3個月daily activities (5)

0-3個月daily activities (5)

Micah快踏入第4個月啦,0-3個月既activities其實有唔少可以繼續.

Rattle

一直都搵梗個rattle(搖鈴),大部份用膠做唔鍾意.用毛公仔做既, 次次見到都好大個.最後最鍾意既係我朋友送既, 好cute.

呢個活動, Micah未滿月我已經同佢玩, 訓練佢對眼同頸muscle.

首先,將moving object(物件)放o係佢眼前, 然後慢慢向左搖, 回到中間, 再向右搖.

Swing

韆鞦係Micah扭眼訓既最佳拍擋, 不過最多去到9kg既重量, 咁chubby既Micah都快7kg..辛苦哂啦, 韆鞦先生!

 

有興趣可以睇埋其他daily activities呀. (1) (2) (3) (4)

宜家努力準備4個月既活動, 包括布書同tummy time.又黎shop until I drop =_=